قمريات - بلا كهربا

أول محاولة بالعامية 

كتبتها أمس بعد تجربة انقطاع الكهرباء في فنزويلا
أضع النص مكتوباً لمن قد لا يفهمون اللهجة المسجلة

مش فارقة أنو ما في كهربا

مش فارقة أنو ما في ضو

ولا في أسنصير

ولا في تلاجة

ولا في تلفزيون

ولا في كومبيوتر

ولا في انترنت

ولا في أيفون

بس فارقة أنو الليلة

ما في موعد

بيني وبينك

كيف بدي اصبر

مع هالشموع بدونك؟

فيا ريت

لو نقدم طلب صغير

بس استثنائي كتير

عند حضرة جناب الشمس

لحتى تغير الجدول شوي

بس هالمرة

وتتحرك هي بس شوي

بركي بيطلع هالقمر

بهالليل

اللي بلا ضو

حتى يعني يصير في

رومانس وجو

ويا ريت بالمرة

يطلع القمر

كل ليلة وكل مرة

لأنو بغزة ولبنان والعراق

وسوريا ومصر دايماً بلا كهربا

بالمرة

خلي ينبسطوا هالبشر

ويحسوا أنو مش وحدن بالسهر

وبجد خَيْ

مش فارقة .. هالكهربا

ولا حتى شوي