25 Aug 2012

ماما ، شو يعني ؟


ماما ، شو يعني نخوة ؟ 
ما يهمك حبيبي ، هي الكلمة مش عربية ، انساها

ماما ، وشو يعني عجز ؟ 
حبيبي ، عجز يعني أنك تكون مواطن عربي

ماما ، وين فلسطين ؟ 
حبيبي ، في كتب التاريخ
ماما ، وين سوريا ؟ 
حبيبي ، في كتب الجغرافيا 

ماما ، وشو يعني جامعة عربية ؟ 
حبيبي ، ما بعرف، كأني سمعانة فيها .. وين سمعت هالاسم من قبل يا ربي؟

ماما ، طيب شو يعني الأمم المتحدة ؟ 
حبيبي ، من وين بتجيب الكلام؟ هادا اختراع من شي أسطورة قديمة مدري بأي كوكب ، بس مو عنا

ماما ، وشو يعني الوحدة العربية ؟ 
حبيبي ، يعني أنك تكون وحيــــــــد

ماما ، وشو يعني 
حبيبي ، خلص أسئلة 
ماما ، والله آخر سؤال. مهم جداً 
تفضل .. بس آخر سؤال 
ماما ، شو يعني الثورة؟ 
همممم ... حسب يا حبيبي .. شوف ، يعتمد مثلاً إن كان عندك بترول أو أهمية جيوستراتيجية أو قاعدة أمريكية أو جارتك السعودية أو جارتك اسرائيل.. بس بشكل عام كتير، الثورة معناها الشعب يطالب بحقوقه، فتختار القوى العظمى الشريرة كبش فداء تضحي فيه، مثل الديكتاتور وهيك ناس، بس حتى يسكت الشعب ، ويرجع ينام.. وبس 

يلا حبيبي ، روح نام

5 comments:

wajd said...

من تونس الى كراكاس
تحياتي وبعد
ما يحفظ العروبة ليس الوحدة العربية لكن ان تبقي عربية وانت في كراكاس وان تحملي خارطة فلسطين معك وانت في الجزء الجنوبي من القارة اللاتينية وان تكتبي حيرتك الوجودية وسط الوجع العربي دون خلع الإزار العربي
وان تخربشي بلغتك العربية رغم إتقانك عشر لغات
وان تواصلي زرع الأمل وسط الصحراء العربية
دمت مطرا يسقي جفافنا يا ديما
مع تحيات حبيبة القمر

المحامي الدكتور يوسف عبد الحق said...

تحياتي الفاضلة ديما
جقا شدني اسلوبك الساخر بقوة تعابيره ودمال اسلوبه وصدق معانيه،

دعيني أضيف سيدتي
" بس ماما ما بقدر أنام قبل ما تفهميني شو معنى الاسلام، شوف يا ماما نام ودشرك من هالكوابيس أنجف الله يعرف الاسلام"
طوبى لك ديما
مع التقدير والحب

MGB said...

Dear Dima,

فتختار القوى العظمى الشريرة كبش فداء تضحي فيه، مثل الديكتاتور وهيك ناس، بس حتى يسكت الشعب ، ويرجع ينام

So this means that Bashar is included here, that he has been targeted by an international conspiracy to be sacrificed along with tens of thousands of his countrymen? So he has been telling the truth after all? That it isn't an uprising of the people for dignity and freedom (which recently has been cynically hijacked by outside players for their own ends)?

I know that ambiguity is an essential component of verse, and I KNOW that you are with the Syrian people's struggle against the Assadist Mafia. But that last (punch?)line sows a few seeds of doubt and confuses many who admire your views, myself included, and provides ammunition to the supporters and associates of the gangsters in Damascus.

On the other hand, the following quote attributed to you on FB is, to me, right on the mark:

F.N.N | شبكة فلاش سوريا
ديما الخطيب:
ما يسمى بالمجتمع الدولي لا يريد الحسم في سوريا، يغذي الطرفين بما لا يكفي لحسم شيء،بل بما يكفي لاستمرار دمار سوريا الذاتي

Regards,

MGB

رامز رمضان النويصري said...

تحياتي ديمه

أتابع مدونتك بشكل منتظم
أدمنها لما فيها من مصداقية وجدةٍ وطرافة




تحياتي

soilofsoil said...

في النهايه الشعب هو المذبوح
كثيير كويس انو نكون فاهمين
شو عم بصير
وكثيير سئ انو حد تاني يتحكم بينا
على كل
كتابه كثيير واقعيه ومعقلوه